I elementi de contròllo de un robot de modellatua pe inieçion comprendan a sequensa de travaggio, a poxiçion d’arrivo, o tempo d’açion, a lestixe de movimento e l’acceleraçion/deçeleraçion.
O contròllo de un robot de modellatua pe inieçion o se dividde inte doe qualitæ: o contròllo da ponto-à-ponto e o contròllo da trajettöia continua.
O scistema de contròllo o peu ëse progettou deuviando o contròllo sequensiâ digitale in base a-i requixii de l'açion. Pe primma cösa o domanda a programmaçion e l’immagazzinamento do programma e dapeu o controllo do robot pe exeguî o travaggio segondo o programma prescrito.
Gh’é doî metodi de archiviaçion di programmi: archiviaçion separâ e archiviaçion çentralizzâ. L’archiviaçion separâ a l’immagazziña de informaçioin in sce diversci fattoî de contròllo inte doî ò ciù dispoxitivi de archiviaçion, comme l’immagazzinamento de informaçioin in sciâ sequensa inte unna placca à pin, un tamburo à camme ò unna cinta perforâ; immagazzinâ e informaçioin de poxiçion inte un relè de tempo ò un tamburo rotativo à speditessa costante-. L'archiviaçion çentralizzâ a l'immagazziña tutte e informaçioin in scî vari fattoî de contròllo inte un appægio de archiviaçion, comme unna cinta magnetica ò un tamburo magnetico. Sto metodo o vëgne deuviou inte de scituaçioin donde sequensa, poxiçion, tempo e speditessa devan ëse controllæ a-o mæximo tempo, saieiva à dî inte di scenäi de contròllo continuo.
E placche de pin vëgnan deuviæ inte de scituaçioin donde o programma o l’à de beseugno de ëse cangiou a-a spedia. Pe cangiâ un programma ghe veu solo che o sostituî unna qualitæ de placca de pin, e o mæximo plug-in o peu vegnî deuviou torna ciù e ciù vòtte; a duâ do programma che a cinta perforâ a peu contegnî a l’é illimitâ, ma se se verifica un errô, a cinta intrega a dev’ëse sostituia; a capaçitæ d'informaçioin da scheda perforâ a l'é limitâ, ma a l'é façile da sostituî, sarvâla e deuviâla torna; nuclei magnetichi e tamburi magnetichi en adatti solo che pe de applicaçioin con de gren capaçitæ de immagazzinamento. A çernia de l'elemento de contròllo a depende da-a complescitæ e da-a preçixon do programma.
Pe di brassi robòtichi complesci se deuvia un scistema de contròllo de tipo teach-e-reprodue. I brassi robòtichi ciù complesci deuvian di scistemi de contròllo digitale, di minicomputer ò di scistemi controllæ da di microproçessoî.
E placche à pin son o scistema de contròllo deuviou ciù pe commun, e apreuvo vëgnan i tamburi guiddæ da camma-. Sti scistemi an tante camme, ciascheduña assegnâ à un asse de movimento e unna revoluçion do tamburo a completa un çiclo.
