Dæto che i robot pe modellâ pe inieçion peuan megioâ scignificativamente a produttivitæ e redue i costi de produçion, stabilizzâ e megioâ a qualitæ di produti modellæ pe inieçion e schivâ de perdie provocæ da l’errô de l’òmmo, o seu ròllo inta produçion de modellatua pe inieçion o l’é apreuvo à vegnî delongo ciù importante. I robot produti in patria en de tipo relativamente sencio e vëgnan deuviæ pe-o ciù pe-a manipolaçion de parte.
Co-o sviluppo de l’industria do modellaggio pe inieçion, sempre ciù tanti robot saian deuviæ inte diversci proçesci comme l’alimentaçion de materiali, a mescciua, o carrego e o descarrego automatico do modello e o reçiclaggio di scarti e se sviluppian verso l’intelligentizzaçion. A plastica a l'òccupa unna poxiçion ben ben importante inti nòstri mateiæ industriæ e de consummo, e tanti mateiæ son da maniman stæti sostituii da-a plastica. O modellaggio de plastica o comprende o modellaggio à inieçion, a formaçion à veuo, o modellaggio à soffio, o modellaggio à estruxon e a fuxon à pression, co-o modellaggio à inieçion ch'o l'é o ciù deuviou. O l'é un muggio prevalente inte di settoî comme l'automobile, e communicaçioin, l'elettrònica, l'elettrica, i elettrodomestichi, a mëxiña, i cosmetichi, e neçescitæ quotidiañe e e fornitue pe l'uffiçio.
O tradiçionâ proçesso de modellatua pe inieçion o s'é evoluo da-a serratua manuâ do modello a-a serratua idraulica do modello pe mezo de machine de modellatua pe inieçion, e oua a-o proçesso de modellatua controllou da-o computer d'ancheu. Sto progresso o se reflette no solo inta qualitæ e inte l'apparensa do produto, ma ascì inta reisa do modellaggio. A concorrensa inte l'industria do modellaggio pe inieçion a l'é apreuvo à vegnî delongo ciù agra, co-a qualitæ e a reisa do modello ch'influensan direttamente a sopravivensa de unn'açienda. A qualitæ do modello a l'é ligâ a-a prestaçion da mæxima machina de modellaggio pe inieçion, a-a tennologia do modello e à l'ambiente d'in gio, tanto che a reisa do modello a l'é ligâ a-a preçixon do modello, a-o proçesso de modellaggio e a-o volumme de produçion. Co-a crescente mancansa d’operatoî de machine da modellatua à inieçion e l’aumento di costi da man d’euvia, i brassi robòtichi pe remeuve di produti da-e machine da modellatua à inieçion son apreuvo à vegnî delongo ciù diffuxi. L’automaçion into modellaggio de plastica a l’é estremamente commun e i brassi robòtichi vëgnan deuviæ sorviatutto pe-e finalitæ che vëgnan apreuvo:
1. Remove i produti da-o modello, sostituî i umoen e passâ da-a produçion semi-automatica a-a produçion completamente automatizzâ;
2. Remove i produti da-o de feua do modello e incorporâ i produti drento (etichettatua, metallo incorporâ, modellatua segondäia, etc.);
3. Imballaggio e magazzinamento automatico dòppo a remoçion da-i brassi robòtichi;
4. Scistemi automatichi d'alimentaçion de matëie primme e scistemi de reçiclaggio di scarti;
5. Scistemi de contròllo da produçion de ciante intreghe, etc.
